Suid-Kaap Bonsmaraklub Prestige Veiling. 

Donderdag 25 September 2025, 11:00 Outeniqua Veilingskompleks George.

Kom woon die dag saam met ons by of registreer op Swiftvee se webtuiste. 

 

 

LOT 1

TM 22-18

Tambaraine Bonsmara bied met trots aan TM 22-18. (Gratis aflewering in SA vir hierdie spesifieke stoetbul op koper se risiko.)

‘n Goed gebalanseerde bul met besonderse lengte wat aangevul word met goeie diepte, kapasiteit en borsdiepte.

‘n Bul met n goeie onderlyn en perfekte stertwortel aanhegting, wat gemaklik beweeg met besonderse goeie kloue en hoefdiepte.

Miostatien skoon.

TM 22-18 het besonderse karkas eienskappe met sagtheid wat bo gemiddeld is. 
Sy lengte hoogte verhouding is ook die ideaal waarna gestreef word.

Ander teelwaardes wat uitstaan is Vrugbaarheid, GDT, Voeromset en Koeiwaarde.
Om op te som goed gebalanseerde teelwaardes. 

Hierdie bul is gereed om ‘n groot verskil in enige kudde te maak. 

Sy moeder AG 11-65 met n TKP van 367 oor 12 kalwers met n gemiddelde speenindeks van 103 praat vir haarself.

Sy Vader LAR 17-339 is een van die mees bekende bulle in die Bonsmara bedryf. 

Navrae:
Eloff Muller - 082 4166 518 
Stephen Muller - 073 456 8003